Newidiadau'n ymwneud ag ailgylchu a gwastraff

System bentyrru: Cyflwyno'r Trolibocs

Y dull mwyaf dibynadwy o gyflawni ailgylchu o safon uchel yw sicrhau bod deunyddiau megis papur a gwydr yn cael eu casglu ar wahân wrth ymyl y palmant. I wneud hyn yn effeithlon, yr ydym ni’n cyflwyno’r Trolibocs - system o focsys y gellir eu pentyrru i gartrefi gyflwyno’r rhan fwyaf o’u deunydd ailgylchu bob wythnos (ar gael i bob aelwyd sy’n defnyddio’r gwasanaeth bin ar olwynion).

Bydd aelwydydd sy’n derbyn y gwasanaeth bin ar olwynion hefyd yn derbyn bag glas y gellir ei ailddefnyddio er mwyn ailgylchu cardfwrdd.

Dysgwch fwy am y system Trolibocs ar gyfer deunydd ailgylchu sych.

Casgliadau gwastraff nad oes modd ei ailgylchu

O fis Mehefin 2024, byddwn ni’n casglu eich gwastraff nad oes modd ei ailgylchu bob 4 wythnos o’ch bin glas neu ddu 240 litr ar olwynion (neu bob wythnos o’ch bag du y gellir ei ailddefnyddio / sachau pinc).

Dysgwch fwy am y newidiadau i'r gwasanaeth casglu gwastraff nad oes modd ei ailgylchu.

Casgliadau tecstilau

Gwasanaeth casglu newydd, yn rhad ac am ddim ar gyfer eich dillad a thecstilau, wedi'i ddarparu gan ein partner Co-Options.

Rhagor o wybodaeth am wasanaeth casglu tecstilau Co-Options.

Gwasanaeth casglu Nwyddau Hylendid Amsugnol

Gwasanaeth casglu wythnosol, yn rhad ac am ddim ar gyfer eich cynnyrch hylendid amsugnol, yn cynnwys clytiau tafladwy a chynnyrch hylendid amsugnol eraill (mae'n rhaid cofrestru). Ar gael ar gyfer y sir gyfan yn 2024.

Cofrestru a chael rhagor o wybodaeth am y gwasanaeth casglu Cynnyrch Hylendid Amsugnol.

Eitemau trydanol bach a batris y cartref

Byddwn yn cyflwyno gwasanaeth casglu wythnosol rhad ac am ddim ar gyfer eich eitemau trydanol bach a batris y cartref yn 2024.

Dysgwch fwy am y gwasanaeth casglu eitemau trydanol bach a batris y cartref.

Pecynnau gwybodaeth

Lawrlwythwch eich pecyn gwybodaeth.