Gyrfaoedd mewn gwaith cymdeithasol a gofal: Cwestiynau Cyffredin    

Mae gennym swyddi gofal a chymorth ar gael yn ein cynlluniau gofal ychwanegol, ein cartrefi preswyl a'n gwasanaethau yn y gymuned. Mae gennym hefyd swyddi domestig ac arlwyo yn ein lleoliadau preswyl.

Mae gennym amrywiaeth o gontractau ar gael. Os ydych chi eisiau gweithio'n llawn amser, yn rhan amser neu os hoffech chi wneud gwaith llanw, byddwn yn gweithio gyda chi er mwyn sicrhau bod eich anghenion chi'n cyd-fynd â'n rhai ni.

Byddwch yn cael cyfnod sefydlu, hyfforddiant a sesiynau goruchwylio 1-1 rheolaidd gyda'ch goruchwyliwr.

Mae gan y Cyngor raglen hyfforddi gynhwysfawr - cyrsiau, e-ddysgu, hyfforddiant 1-1. Mae cyfleoedd i chi gael cymwysterau eraill sy'n berthnasol i'ch swydd megis cymwysterau diploma y Fframwaith Cymwysterau a Chredydau.

Rydyn ni eisiau i bobl weithio amrywiaeth o oriau gwahanol, er enghraifft byddai gennym ni shifftiau ar gyfer pobl sy'n gallu gweithio gyda'r nos ac ar benwythnosau yn unig, neu dim ond yn y boreau. Byddwn yn trafod eich argaeledd a'r oriau y gallwch eu gweithio i gynnal eich cydbwysedd bywyd a gwaith pan fyddwn yn eich cyfweld. O'r drafodaeth hon, byddwn yn cytuno pa oriau gwaith sy'n addas i chi a'r gwasanaeth.

Rydym yn cynnig cynllun pensiwn cystadleuol trwy Gronfa Bensiwn Clwyd. Mae pob gweithiwr sy'n gweithio am gyfnod o fwy na 3 mis yn cael ei dderbyn yn awtomatig i'r cynllun pensiwn hwn.

Gellir canfod rhagor o wybodaeth am y cynllun ar wefan Cronfa Bensiynau Clwyd (gwefan allanol) neu drwy ffonio 01352 702950.

Os ydych yn cael eich cyflogi gan y Cyngor byddwch yn derbyn ad-daliad ar gyfer ffioedd cofrestru ar ôl cyflwyno prawf o dalu.

Gall y broses cyfweld amrywio yn dibynnu ar rôl y swydd. Ar hyn o bryd rydym yn cynnal gweithdai recriwtio rheolaidd lle mae ymgeiswyr yn cael gwybodaeth am weithio o fewn gofal cymdeithasol ac yn dilyn hynny, mae nifer o weithgareddau grŵp yn ogystal â chyfweliadau unigol. Nod y Gweithdy yw i chi gael gwybod beth allwn ei gynnig i chi yn ogystal â chyfle i ni gwrdd â chi a gweld pa sgiliau y gallwch eu cynnig i ni. Os hoffech archebu lle ar weithdy cwblhewch y ffurflen ymholiad yma a byddwn mewn cysylltiad.

Gall tîm Gweithio yn Sir Ddinbych eich cefnogi i gwblhau eich ffurflen gais. Gallant hefyd eich cefnogi gyda sgiliau cyfweld yn ogystal â rhoi cyngor ac arweiniad ar gael mynediad at gyflogaeth. Gallwch gysylltu â Sir Ddinbych yn Gweithio ar 01745 331438 / 07342070635 neu lenwi eu ffurflen gyswllt ar-lein yma.

Roedd rhai o'n rolau yn gofyn am sgiliau a chymwysterau sydd i'w gweld yn y disgrifiad swydd a manyleb y person.

Ni fydd angen i chi yrru ym mhob rôl, fel rolau mewn gofal preswyl neu ychwanegol ond bydd angen i chi gael y modd i gyrraedd y gwaith.

Rolau sy'n gweithio yn y gymuned, bydd gofyn i chi yrru i'ch galwadau.

Bydd angen car arnoch os ydych yn gweithio fel gofal a chymorth yn gweithio yn y gymuned gan y byddwch yn darparu cymorth yng nghartref y dinesydd ei hun.

Mae'r Cyngor yn darparu ceir cronfa mewn rhai ardaloedd yn Sir Ddinbych.

Rydym yn talu lwfans milltiroedd i bobl sy'n defnyddio'u ceir eu hunain.

Bydd, byddwch yn cael gwisgoedd, ffôn symudol ac unrhyw offer arall sydd ei angen ar gyfer eich rôl.

Mae ein staff yn cael eu talu ar y 18fed o bob mis. Telir staff ar gontract am y mis cyfan ar y dyddiad hwn a thelir staff cyflenwi am oriau a weithiwyd yn y mis blaenorol.

Os oes gennych unrhyw gwestiynau am yrfa o fewn gofal cymdeithasol neu os hoffech drafod pa ddewisiadau gyrfa y gallwn eu cynnig, gallwch gysylltu â ni drwy lenwi’r ffurflen gyswllt ar-lein a bydd rhywun yn cysylltu neu gallwch anfon ebost at socialcarejobs@denbighshire.gov.uk neu ffonio 07717225541.