Gwybodaeth am yrfaoedd ym maes gofal cymdeithasol 

Mae gweithwyr cymdeithasol yn bobl anhygoel sy'n darparu gwasanaeth hynod werthfawr i unigolion, eu teuluoedd a'r gymuned ehangach. Gallai hynny olygu cefnogi plant, teuluoedd neu bobl hŷn gydag amrywiaeth o anghenion.

Mae ein pobl yn angerddol am y gwaith mae'n nhw'n ei wneud. Maent am wneud gwir wahaniaeth a rhoi gwên ar wyneb pobl. Caiff hyn ei gyflawni'n ddyddiol gan ein tîm gofal cymdeithasol yn Sir Ddinbych.

Mae'n timau yn ofalgar, yn dosturiol, yn frwdfrydig ac yn llawn empathi; maent yn gweithio’n ddiflino i wella ansawdd bywyd unigolion yn Sir Ddinbych. Gwneir hyn drwy amrywiaeth o rolau, gyda phawb yn chwarae rhan bwysig wrth ddiogelu a chefnogi unigolion a theuluoedd i’w galluogi i arwain bywyd mor annibynnol â phosib.

Ai chi yw'r un ar gyfer y swydd?

Mae cymaint o gyfleoedd gyrfa ar gael mewn gofal cymdeithasol:

• Gweithwyr Cymunedol
• Gweithwyr Gofal a Chymorth
• Gweithiwr Iechyd a gofal cymdeithasol
• Domestig (glanhawyr)
• Arlwyo

Fodd bynnag, rydym angen staff ym mhob maes.

Gallech fod yn gweithio trwy ddarparu gofal cartref yng nghartref rhywun neu gartrefi Byw â Chymorth; neu mewn cartref preswyl.

Mae gennym ystod o gontractau ar gael- llawn amser, rhan amser, parhaol a thymopr penodol.

Yn ogystal a darparu cefnogaeth o fewn y gymuned, mae’n timau yn darparu cefnogaeth yn y lleoliadau canlynol:

• Corwen: Cartref Gofal Preswyl Cysgod y Gaer
• Rhuthun: Fflatiau Cynllun Gofal Tai Ychwanegol Llys Awelon
• Dinbych: Cartref Gofal Preswyl Dolwen
• Y Rhyl: Fflatiau Cynllun Gofal Tai Ychwanegol Gorwel Newydd
• Prestatyn: Fflatiau Cynllun Gofal Tai Ychwanegol Nant y Môr
• Denbighshire wide in people's own homes.

Mae nifer o ffyrdd i mewn i yrfa mewn gofal cymdeithasol a gall yr angen am gymhwyesterau amrywio, yn ddibynnol ar y swydd.

Ar gyfer rhai swyddi, bydd angen cymhwyster penodol arnoch, fodd bynnag mae modd dechrau gyrfa fel gweithiwr gofal neu weithiwr cefnogi heb gymwysterau. Byddwch yn cael eich cefnogi i gyflawni unrhyw gymwysterau sydd eu hangen arnoch i wneud eich swydd. Mae digonedd o gyfleoedd i chi ddatblygu gyrfa mewn gofal cymdeithasol yn Sir Ddinbych. Mae sawl un o’n staff, er enghraifft, a ddechreuodd fel gweithwyr gofal wedi ennill cymwysterau a chyflawni eu nodau gyrfa.

Cewch eich cefnogi bob cam o'r ffordd trwy oruchwyliaeth un i un rheolaidd. Bydd y gefnogaeth hon o gymorth i chi gyda setlo yn y rôl, dysgu sgiliau newydd a datblygu fel unigolyn ac fel aelod o dîm.

Y Cyngor fel cyflogwr

O weithio i'r Cyngor, bydd gennych fynediad uniongyrchol at ystod eang o fuddion staff, tebyg i dál cystadleuol a chynllun pensiwn rhagorol. Mae'n darpariaeth gwyliau blynyddol yn hael ac yn cynyddu gyda blynyddoedd mewn gwasanaeth. Mae ein cyflogeion hefyd yn cael mynediad at ddisgowntiau mew cannoedd o siopau ledled Prydain.

Mae ein gweithlu yn hynod o bwysig i ni ac mae'r Cyngor wedi ymrwymo i’ch cefnogi i sicrhau cydbwysedd cadarnhaol rhwng bywyd a gwaith.

Rydym eisiau i'n gweithlu adlewyrchu cymdeithas - rydym am i'n swyddi fod yn hygyrch i bawb, sy’n golygu nad ydym yn gwahaniaethu, boed hynny o ran hil, rhyw, anghenion iechyd, rhywioldeb neu hunaniaeth o ran rhywedd.

Byddwn yn gweithio gyda chi i oresgyn unrhyw rwystrau sy’n eich atal o ran gwaith a byddwn yn cefnogi'n holl weithlu er mwyn eu gwneud i deimlo eu bod nhw’n cael eu gwerthfawrogi o fewn y gweithle.

Felly, beth mae'r Cyngor yn ei gynnig?

• Tîm gwych!
• Polisïau sy’n ystyriol o deuluoedd
• Cyflogwr cynhwysol
• Gwyliau blynyddol hael
• Cyfraddau cyflog cystadleuol
• Mewn rhai achosion cerbyd Cyngor ar gyfer gweithwyr symudol
• Oriau Cytundebol
• Hyfforddiant ymsefydlu llawn a chefnogaeth reolaidd gan reolwyr
• Camu ymlaen yn eich gyrfa
• Cyfleoedd hyfforddi rhagorol
• Rhaglen cymorth i weithwyr
• Telir ffioedd cofrestru
• Mynediad at gymorth gan undeb lafur
• Cyfraddau gostyngol o ran gwasanaethau adloniant, manwerthu ac ariannol
• Mynediad at gynllun pensiwn