Ansawdd dŵr

Dŵr ymdrochi

Cydlynir y gwaith o fonitro dŵr ymdrochi yng Nghymru gan Cyfoeth Naturiol Cymru (CNC) (gwefan allanol).

• Traethau'r Rhyl
• Traethau Prestatyn
• Marine lake, Y Rhyl

Gwybodaeth mwy am ansawdd dŵr ymdrochi (gwefan allanol)

Y cyflenwad dŵr cyhoeddus

Mae dyletswydd cyffredinol arnom i sicrhau fod y cyflenwad dŵr cyhoeddus llawn yn iachus ac yn ddigonol. Rydym yn gweithio gyda chwmnïau dŵr pan fod pryderon ynglŷn ag ansawdd dŵr.

Mae dau gwmni dŵr yn cyflenwi dŵr cyhoeddus yn Sir Ddinbych: Dwr Cymru (gwefan allanol) a Hafren Dyfrdwy (gwefan allanol). Mae gan y ddau gwmni dŵr raglen fonitro gynhwysfawr i sicrhau fod y dŵr sy’n cyrraedd eich tap yn ddiogel. 

Cael gwybod am Dŵr Cymru yn eich ardal chi (gwefan allanol)

Mae’r Arolygiaeth Dŵr Yfed (DWI) (gwefan allanol) yn gyfrifol am asesu ansawdd dŵr yfed yng Nghymru a Lloegr.

Cyflenwadau dŵr preifat

Caiff cyflenwadau dŵr preifat eu rheoleiddio dan Ddeddf y Diwydiant Dŵr 1990 a Rheoliadau Cyflenwadau Dŵr Preifat (Cymru) 2017. Nid yw cyflenwadau dŵr preifat yn cael eu darparu gan gwmnïau dŵr a gallant gynnwys ffynonellau, tyllau turio, ffynhonnau, nentydd, afonydd, llynnoedd a draeniau tir. Rydym yn gyfrifol am sicrhau bod cyflenwadau dŵr preifat yn iachus ar gyfer eiddo masnachol a domestig a lle bo’n ymarferol i ni wneud hynny, rydym yn gyfrifol am ddigonolrwydd cyflenwad.

Eiddo domestig

Cyflenwadau Rheoliad 11 – Cyflenwadau Domestig a Rennir ac Eiddo Rhent Preifat

Rydym yn profi cyflenwadau dŵr preifat sy’n cyflenwi dros 10,000 litr o ddŵr y dydd i aelwydydd o leiaf unwaith y flwyddyn. Os yw’n cyflenwi llai na hyn, yna byddai’r cyflenwad yn cael ei brofi unwaith bob pum mlynedd.

Cyflenwadau Rheoliad 10 – Un Cyflenwad Domestig

Mae cyflenwad dŵr preifat i un eiddo yn cael ei brofi ar gais y perchnogion.

Eiddo annomestig (masnachol)

Cyflenwadau Rheoliad 9

Profir cyflenwadau dŵr preifat mewn eiddo annomestig o leiaf unwaith y flwyddyn gan ddibynnu ar gyfaint y dŵr a ddefnyddir a’r nifer o bobl sy’n defnyddio’r dŵr.

Ffioedd a thaliadau

Cyflenwadau dŵr Rheoliad 10 a 11

Ffioedd a thaliadau ar gyfer cyflenwadau dŵr Rheoliad 10 a 11

Prawf cyflenwad dŵr	Number of visits	Cost am ymweliad
Cyflenwad sy'n darparu llai na 10,000 litr y dydd	Un ymweliad bob blwyddyn	£125.00
Cyflenwad sy'n darparu mwy na 10,000 litr y dydd	Dau ymweliad bob blwyddyn	£125.00

Cyflenwadau dŵr rheoliad 9

Ffioedd a thaliadau ar gyfer cyflenwadau dŵr rheoliad 9

Prawf cyflenwad dŵr	Cost am ymweliad (o leiaf unwaith y flwyddyn)
Cyflenwadau masnachol newydd nad oes gennym ddim ond ychydig o hanes samplu blaenorol ar eu cyfer, neu ddim o gwbl	£314.00
Cyflenwadau masnachol presennol y mae gennym hanes samplu diweddar ar eu cyfer	£244.00
Samplu ychwanegol i gadarnhau cydymffurfiaeth oherwydd methiant paramedr	Cost £45.00 fesul ymweliad (gan gynnwys naill ai hyd at 2 sampl bacteriolegol neu 5 paramedr cemegol, codir tâl am gost paramedrau ychwanegol)

Symud i gyflenwad dŵr preifat

Os ydych chi’n symud i gyflenwad dŵr preifat, neu os ydych chi’n breswylydd newydd mewn eiddo sy’n defnyddio un, gallwch lawrlwytho ffurflen cyflenwad dŵr preifat i roi gwybod i ni.

Cais cyflenwadau dŵr preifat (MS Word, 161KB)

Cost profi cyflenwad dwr newydd yw £95.00.

Rhagor o wybodaeth

Gallwch dderbyn rhagor o wybodaeth ar gyflenwadau dŵr preifat drwy gysylltu â ni neu ymweld â’r gwefannau a ganlyn:

• Yr Arolygaeth Dŵr Yfed (gwefan allanol)
• Llywodraeth Cymru: canllawiau a gwasanaethau - dŵr (gwefan allanol)
• Sefydliad Iechyd y Byd (gwefan allanol)
• Public Health England (gwefan allanol)

Cyflenwadau dŵr mewn digwyddiadau

Rydym yn gyfrifol am sicrhau a monitro bod y trefnydd yn darparu dŵr iachus a digonol ar gyfer digwyddiadau, boed hynny naill ai drwy system gyflenwi breifat o’r prif gyflenwad dŵr neu o gyflenwad dŵr preifat.

Mae Partneriaeth Iechyd Dŵr Cymru (WHPW) wedi cyhoeddi canllawiau ar gyfer sefydlu a monitro cyflenwad dŵr i ddigwyddiadau dros dro.

Cysylltwch â ni os ydych chi’n bwriadu cynllunio digwyddiad dros dro. Gallwch lawrlwytho’r canllawiau hefyd:

Canllawiau ar gyfer darparu cyflenwadau dŵr yfed dros dro mewn digwyddiadau (PDF, 199KB)

Pyllau nofio, sba a phyllau padlo awyr agored

Rydym yn monitro ansawdd dŵr pyllau preifat a ddefnyddir gan y cyhoedd e.e. gwestai a safleoedd carafanau a phyllau ein canolfannau hamdden. Mae hyn er mwyn sicrhau bod pyllau’n cynnig amgylchedd iach a diogel.
Cymerir samplau i’w profi o byllau nofio a sba unwaith y mis tra bod samplau pyllau padlo awyr agored yn cael eu cymryd unwaith bob pythefnos. Os nad yw sampl yn cyrraedd y safonau a osodwyd gan y Grŵp Ymgynghorol Trin Dŵr Pyllau (PWTAG) (gwefan allanol), yna byddem yn rhoi cyfarwyddyd i’r bobl berthnasol weithredu.

Cysylltwch â ni os ydych chi’n bwriadu creu pwll i'w ddefnyddio gan y cyhoedd e.e. pwll sba newydd neu dwb poeth.

Cysylltwch â ni os oes gennych ymholiad neu gŵyn am unrhyw un o’r uchod.