Penodi 2 Aelod Annibynnol ar Bwyllgor Safonau Cyngor Sir Ddinbych

Rydym am benodi 2 Aelod Annibynnol i Bwyllgor Safonau’r Cyngor sy’n gyfrifol am hyrwyddo, cynnal a gwella trefniadau moesegol o fewn yr Awdurdod a Chynghorau Dinas, Tref a Chymuned yn Sir Ddinbych.

Bydd yn ofynnol i ymgeiswyr ddangos annibyniaeth, uniondeb a didueddrwydd wrth gyflawni gwaith y pwyllgor a meddu ar y rhinweddau a'r sgiliau a ganlyn:

  • Sgiliau gwrando
  • Y gallu i ddeall a phwyso a mesur tystiolaeth
  • Doethineb
  • Y gallu i ddatblygu barn wrthrychol a’r gallu i egluro safbwynt wrth gyfeirio at y dystiolaeth
  • Parch tuag at eraill a dealltwriaeth o faterion amrywiol.
  • Empathi â'r Iaith Gymraeg a Diwylliant
  • Profiad o fynychu a chyfrannu at gyfarfodydd

Nid oes rhaid cael gwybodaeth fanwl o lywodraeth leol er y byddai o fantais pe byddai gan ymgeiswyr ddiddordeb mewn materion sy’n berthnasol i fywyd cyhoeddus a gwasanaethau. Yn ogystal, rhaid i aelodau annibynnol:

  • Bod yn gymwys i'w ethol fel Aelod Annibynnol fel y diffinnir yn Rheoliadau Pwyllgor Safonau (Cymru) 2001 (gweler isod pwy na all fod yn aelod annibynnol*)
  • Yn gallu rhoi’r amser sydd ei angen a bod ar gael ar fyr rybudd
  • Bod â pharch yn y gymuned
  • Gallu darparu geirda gan ddau berson
  • Ni ddylai ymgeiswyr fod yn anghymwys (e.e. o dan Adran 80 o Ddeddf Llywodraeth Leol 1972)

*Ni all berson fod yn aelod annibynnol os yw:

  • yn Gynghorydd neu'n swyddog (neu briod neu bartner sifil i Gynghorydd neu swyddog) unrhyw Gyngor Sir/Bwrdeistref Sirol, Awdurdod Parc Cenedlaethol, Awdurdod Tân neu Gyngor Dinas, Tref a Chymuned
  • cyn Cynghorydd neu swyddog Cyngor Sir Ddinbych
  • yn Gynghorydd neu'n swyddog Cyngor Sir/Bwrdeistref Sirol, Parc Cenedlaethol, neu Awdurdod Tân o fewn y 12 mis cyn eu penodi (Mai 2025)

Taliadau i Aelodau Annibynnol

Byddwch yn derbyn rhwng £105 a £268 y diwrnod yn dibynnu ar eich rôl ac mae'r Pwyllgor Safonau yn cyfarfod hyd at 6 gwaith y flwyddyn yn Sir Ddinbych.

Bydd pob cais yn cael ei farnu yn ôl ei deilyngdod a bydd yr angen i gael cydbwysedd o sgiliau, rhinweddau ac arbenigedd ar y Pwyllgor yn ogystal â’r angen i gynrychioli’r gymuned gyfan a chyflawni gwasgariad daearyddol i gyd yn cael ei ystyried wrth wneud y penodiadau terfynol.

Y dyddiad cau ar gyfer ceisiadau yw 31 Mawrth 2025.

Bydd y penodiad yn amodol ar gyfweliad gyda Phanel Cynghori ar 10 Ebrill 2025. Bydd y Panel Cynghori yn gwneud argymhelliad ar y 13 Mai 2025 i’r Cyngor Llawn a fydd yn gwneud y penderfyniad terfynol ar y penodiad.

Am sgwrs anffurfiol am y rôl cysylltwch â Gary Williams, Swyddog Monitro ar gary.williams@sirddinbych.gov.uk neu 01824 712562.

Mae ffurflenni cais ar gael gan Amy Foster ar amy.foster@sirddinbych.gov.uk neu dros y ffôn ar 01824 712607.

Hysbyseb - Penodi Aelodau Annibynnol Mawrth 2025 (PDF, 278KB)