Tŷ aml-feddiannaeth yw eiddo a gaiff ei rentu i o leiaf tri o bobl nad ydynt o’r un 'aelwyd' (e.e. teulu).
Mae gwahanol fathau o eiddo dai aml-feddiannaeth: y rhai sy'n rhannu cyfleusterau fel yr ystafell ymolchi a'r gegin; fflatiau hunangynhaliol, a'r rhai sy'n cynnwys cymysgedd o unedau a rennir ac unedau hunangynhaliol.
Rhaid i dai aml-feddiannaeth sy'n dod o dan y Cynllun Trwyddedu Gorfodol fod â thrwydded:
- os oes ganddynt dri llawr neu fwy, AC
- os oes pum tenant neu fwy yn byw ynddynt, AC
- os ydynt yn llunio mwy nag un aelwyd
- gyda chyfleusterau a rennir neu hebddynt (ystafell ymolchi a chegin)
Dan ein Cynllun Trwyddedu Ychwanegol, mae meini prawf rhywfaint yn wahanol ar gyfer eiddo yn y Dinbych, Llangollen, Prestatyn a Rhyl. Rhaid i eiddo tai aml-feddiannaeth yn y Dinbych, Llangollen, Prestatyn a Rhyl l fod â thrwydded:
- os oes tri thenant neu fwy yn byw yno, AC
- os ydynt yn llunio mwy nag un aelwyd, gyda chyfleusterau a rennir neu hebddynt (ystafell ymolchi a chegin)
- os ydynt yn llunio mwy nag un aelwyd cwbl hunangynhaliol, ond nad ydynt yn bodloni Rheoliadau Adeiladu 1991, A lle mae llai na dau draean o’r fflatiau hunangynhaliol yn cael eu meddiannu gan y perchennog.
Sut i wneud cais am drwydded tŷ aml-feddiannaeth
Cyfrifoldeb y landlord neu reolwr yr eiddo yw gwneud cais am drwydded tŷ aml-feddiannaeth.
Cyn i chi gwblhau’r cais, darllenwch y nodiadau cyfarwyddyd hyn.
Trwyddedau Tai Aml-feddiannaeth nodiadau cyfarwyddyd (PDF, 211KB)
I wneud cais am drwydded tŷ aml-feddiannaeth, llenwch y ffurflen hon a’i dychwelyd i’r cyfeiriad ar y ffurflen.
Ffurflen gais trwydded Tai Aml-feddiannaeth (PDF, 686KB)
Sylwch fod y ffurflen gais a'r nodiadau cyfarwyddyd ar gael yn Saesneg yn unig ar hyn o bryd. Bydd fersiynau Cymraeg ar gael yn fuan.
Mae trwydded tŷ aml-feddiannaeth yn ddilys am hyd at 5 mlynedd. Bydd angen i chi wneud cais am drwydded newydd ar ddiwedd y cyfnod hwn.
Faint mae'n ei gostio?
Ceisiadau Newydd
Mae trwyddedau yn para am 5 mlynedd ac mae’r costau yn seiliedig ar nifer y lloriau sydd yn yr adeilad a nifer yr ystafelloedd y gellir byw ynddynt. Byddai ystafell y gellir byw ynddi yn fflat un ystafell, ystafell fyw ar wahân neu ystafell wely.
Mae ffi sylfaenol o £820 yn cael ei chyfrifo ar gyfer 5 ystafell y gellir byw ynddynt mewn adeilad gyda 3 neu fwy o loriau.
Mae ffi ychwanegol o £30 ar gyfer pob ystafell y gellir byw ynddi ar gyfer eiddo sydd â rhwng 6 a 10 o ystafelloedd y gellir byw ynddynt.
Ar gyfer eiddo gydag 11 neu fwy o ystafelloedd y gellir byw ynddynt, mae ffi ychwanegol o £40 ar gyfer ystafell rhif 11 y gellir byw ynddi a thu hwnt.
I grynhoi, y ffioedd arfaethedig ar gyfer trwyddedu tai amlfeddiannaeth yw:
Ffioedd trwyddedu tai amlfeddiannaeth am 5 mlynedd yn seiliedig ar nifer ystafelloedd y gellir byw ynddynt yn yr adeilad a nifer y lloriau.
| Nifer yr ystafelloedd | 3 llawr | 2 lawr | Unllawr |
|---|
| 5 neu lai |
£820 |
£620 |
£420 |
| 6 |
£850 |
£650 |
£450 |
| 7 |
£880 |
£680 |
£480 |
| 8 |
£910 |
£710 |
£510 |
| 9 |
£940 |
£740 |
£540 |
| 10 |
£970 |
£770 |
£570 |
| 11 |
£1,010 |
£810 |
£610 |
| 12 |
£1,050 |
£850 |
£650 |
| 13 |
£1,090 |
£890 |
£690 |
| 14 |
£1,130 |
£930 |
£730 |
| 15 |
£1,170 |
£970 |
£770 |
| 16 |
£1,210 |
£1,010 |
£810 |
| 17 |
£1,250 |
£1,050 |
£650 |
| 18 |
£1,290 |
£1,090 |
£690 |
| 19 |
£1,330 |
£1,130 |
£730 |
| 20 |
£1,370 |
£1,170 |
£770 |
Enghraifft o ddadansoddiad o gostau
Eiddo 3 llawr gyda 5 ystafell y gellir byw ynddi gyda ffi o £820 dros bum mlynedd yn costio:
- £164 am 5 mlynedd fesul ystafell y gellir byw ynddi
- £32.80 y flwyddyn fesul ystafell y gellir byw ynddi
- 63 ceiniog yr wythnos ar gyfer pob ystafell y gellir byw ynddi
Gostyngiadau ychwanegol sydd ar gael wrth gyflwyno’r cais cychwynnol
Mae gostyngiad o £200 os yw’r cais llawn yn cael ei dderbyn o fewn 8 wythnos o dderbyn hysbysiad o’r gofyniad i drwyddedu.
Dim ond 50% o’r ffi wreiddiol y mae angen i sefydliadau elusennol ei dalu.
Adnewyddu trwydded
Mae modd cael 50% o ostyngiad o’r ffioedd a nodwyd wrth adnewyddu trwydded bresennol, cyn belled â’ch bod yn dychwelyd y cais llawn (gweler y rhestr wirio ar dudalen 2 y ffurflen gais) o leiaf 8 wythnos cyn i’r drwydded bresennol ddod i ben.
Mae hyn yn rhoi digon o amser i ni brosesu’r cais, sy’n cynnwys cynnal arolwg llawn System Mesur Iechyd a Diogelwch ar gyfer Tai (HHSRS), cyflwyno rhybudd o gynnig a hysbysiad o benderfyniad i roi trwydded cyn i'r hen drwydded ddod i ben a gorfod cyflwyno un newydd. Nid yw ceisiadau i adnewyddu yn gymwys ar gyfer unrhyw “ostyngiadau ychwanegol”.
Newid perchnogaeth tŷ amlfeddiannaeth
Nid oes modd trosglwyddo trwydded o un person i'r llall nac o un eiddo i un arall ac nid yw'r ffioedd yn ad-daladwy. Os gwerthwyd yr eiddo fel Tŷ Amlfeddiannaeth, bydd angen i’r landlord newydd wneud cais am drwydded newydd, bydd strwythur y ffioedd yr un fath mewn amgylchiadau o’r fath.
Dulliau Talu
Gellir talu yn llawn wrth gyflwyno’r cais neu mewn dau randaliad:
- rhandaliad 1: 50% o’r ffi yn daladwy wrth gyflwyno’r cais
- rhandaliad 2: y 50% sy’n weddill yn daladwy ar ôl cymeradwyo Trwydded Eiddo
Ffi sy’n daladwy
Fel y nodwyd uchod, y cyfanswm sy'n daladwy yw ffi trwydded 5 mlynedd (yn seiliedig ar nifer y lloriau ac ystafelloedd y gellir byw ynddynt sydd yn yr adeilad), minws unrhyw ostyngiad.
Enghraifft: cais cyntaf am eiddo 3 llawr gyda 5 ystafell y gellir byw ynddi
- Ffi trwydded 5 mlynedd: £820
- Gostyngiad am gyflwyno cais llawn o fewn 8 wythnos o rybudd: £200
- Cyfanswm y ffi sy’n daladwy: £620
Enghraifft: application renewal for a 2 storey property with 12 habitable rooms
- Ffi trwydded 5 mlynedd: £850
- 50% o ostyngiad am gyflwyno cais llawn 8 wythnos cyn i’r drwydded bresennol ddod i ben: £425
- Cyfanswm y ffi sy’n daladwy: £425
Enghraifft: first application by a charitable organisation for a 3 storey property with 20 habitable rooms
- Ffi trwydded 5 mlynedd: £1,370
- 50% o ostyngiad ar gyfer sefydliadau elusennol: £685
- Cyfanswm y ffi sy’n daladwy: £685
Sut i dalu
Dros y ffôn
Mae modd talu dros y ffôn gyda cherdyn credyd neu gerdyn debyd drwy gysylltu â’r adran Gyllid ar 01824 706417. Dyfynnwch 3479-40142 (Trwydded Ychwanegol), neu 3479-40091 (Trwydded Ofynnol) a chyfeiriad yr eiddo.
Trosglwyddiad BACS
Gellir talu drwy drosglwyddiad BACS drwy ddefnyddio’r manylion canlynol:
- Rhif y Cyfrif: 22837469
- Cod Didoli: 54-41-06
I sicrhau bod y taliad yn cyrraedd ein cyfrif, mae’n rhaid i chi ddarparu’r wybodaeth ganlynol yn y blwch cyfeirnod BACS:
- Cod cost - 3479-40142 (Trwydded Ychwanegol), neu 3479-40091 (Trwydded Ofynnol)
- Cod post
Er enghraifft, byddai'r cyfeirnod ar gyfer Trwydded Ofynnol ar gyfer Tŷ Amlfeddiannaeth yn 26 Fox Street, y Rhyl, LL18 1ZP fel a ganlyn:
3479-40142 LL181ZP
Rhowch wybod i ni pan fyddwch wedi talu drwy ffonio 01824 706389 neu anfonwch e-bost at envhealth@denbighshire.gov.uk.
Safonau Tai Aml-feddiannaeth
Rydym ni’n gyfrifol am sicrhau cadw at safonau Tai Aml-feddiannaeth, felly os ydych chi’n byw mewn llety o’r fath ac o’r farn bod peryglon afresymol nad ydi eich landlord preifat yn ymdrin â nhw, rhowch wybod i ni.
Cofrestr tai aml-feddiannaeth
Rydyn ni’n cadw cofrestr o’r holl eiddo yn Sir Ddinbych wedi eu rhestru fel tai
aml-feddiannaeth.
Cofrestr trwyddedu Tai Aml-feddiannaeth (PDF, 86KB)
Os oes gennych chi unrhyw ymholiadau am eiddo a drwyddedwyd, neu eiddo rydych chi’n teimlo y dylai gael ei gofrestru ond sydd heb ei gofrestru, cysylltwch â ni os gwelwch yn dda.
Dogfennau cysylltiedig
Safonau Gofynnol Trwyddedu ar gyfer Tai Amlfeddiannaeth (PDF, 624KB)