Clerc Pleidleisio

Gwybodaeth am rôl y Clerc Pleidleisio.

Teitl y Swydd: Clerc Pleidleisio

Math o swydd: Gweinyddol

Cyfrifoldebau a gweithgareddau allweddol

Sicrhau bod pleidleiswyr yn gallu bwrw eu pleidlais yn gyfrinachol, heb ddylanwad ac mewn awyrgylch tawel.
Gofyn am a gwirio hunaniaeth pleidleiswyr cyn cyflwyno eu papurau pleidleisio iddynt.
Sicrhau bod etholwyr yn deall y gofynion hunaniaeth newydd ar gyfer pleidleiswyr gan gynnwys yr hyn sy’n cyfrif fel dull adnabod derbyniol.
Sicrhau bod etholwyr yn gallu cyflwyno eu dull adnabod yn breifat ar gais.
Cydymffurfio ag unrhyw gyfarwyddiadau gan y Swyddog Llywyddu a / neu’r Swyddog Canlyniadau.
Sicrhau bod yr holl etholwyr yn cael eu trin â pharch ac yn derbyn yr un profiad ble bynnag y byddant a phryd bynnag y byddant yn pleidleisio.
Mae’n rhaid i chi sicrhau cyfrinachedd a diogelwch y bleidlais bob amser.
Delio â’r cyhoedd mewn modd cwrtais a phroffesiynol.
Cefnogi pleidleiswyr anabl i ddefnyddio unrhyw offer neu ddyfeisiau arbennig.
Nid oes modd eich cyflogi os ydych chi wedi cyflawni unrhyw ddyletswyddau ar ran unrhyw blaid wleidyddol neu ymgeisydd yn yr etholiad.

Hyfforddiant: 1 i 2 awr

Diwrnod y Bleidlais: 6:30am tan 10:30pm (16 awr)

Bydd y Swyddfa Etholiadol yn ceisio gosod staff i’r gorsafoedd pleidleisio sy'n gyfleus iddynt.

Manylion am yr Unigolyn ar gyfer rôl y Clerc Pleidleisio
Meini prawf	Rhinweddau (Hanfodol / Dymunol)
Gwybodaeth	Dymunol: Gwybodaeth ymarferol am y broses etholiadol.
Sgiliau a galluoedd	Hanfodol: Gallu cyflawni gwaith yn unol â’r cyfarwyddiadau, hyd yn oed o dan bwysau. Dymunol: Profiad o weithio mewn gorsaf bleidleisio
Arall	Hanfodol: Gallu aros yn wleidyddol niwtral Prydlondeb Gallu teithio i’ch gorsaf bleidleisio ar yr adegau gofynnol Dymunol: Diplomyddiaeth a doethineb wrth weithio gydag aelodau’r cyhoedd.

Gallwch ymgeisio ar-lein – nid ydym yn derbyn CV. I gwblhau’r ffurflen ar-lein byddwch angen cyfeiriad e-bost dilys.