Cronfa Llywodraeth y DU yw'r Gronfa Ffyniant Bro. Mae'n un rhan o gynnig ehangach y Llywodraeth i wella cyfleoedd ledled y DU. Diben penodol y gronfa yw cefnogi buddsoddiad yn y mannau hynny ble gall wneud y gwahaniaeth mwyaf i fywyd bob dydd, yn cynnwys hen ardaloedd diwydiannol, trefi difreintiedig a chymunedau arfordirol. Gall hyd at £4.8 biliwn (tan 2024-25) fod ar gael drwy’r Gronfa ledled y DU gydag o leiaf £800 miliwn i’w fuddsoddi yng Nghymru, yr Alban a Gogledd Iwerddon. Bydd y Gronfa'n canolbwyntio ar fuddsoddiadau cyfalaf.
Bydd y Gronfa Ffyniant Bro yn buddsoddi mewn isadeiledd lleol sy'n cael effaith weladwy ar bobl a'u cymunedau. Mae hyn yn cynnwys ystod o flaenoriaethau buddsoddi lleol o werth uchel, yn cynnwys cynlluniau cludiant lleol, prosiectau adfywio trefol ac asedau diwylliannol. Mae disgwyl i Aelodau Seneddol (AS) ddarparu cymorth lle tybir bod hynny’n briodol. Yng Nghymru, mae ceisiadau (cynigion) am cyllid yn cael eu cyflwyno gan yr awdurdodau lleol. Bydd nifer y ceisiadau y gall awdurdod lleol eu gwneud yn berthnasol i nifer yr Aelodau Seneddol yn eu hardal. Mae'r broses ymgeisio yn gystadleuol, sy'n golygu na fydd pob awdurdod lleol yn llwyddo i gael y cyllid y maen nhw wedi gofyn amdano.
Gellir gweld rhagor o wybodaeth am y Gronfa Ffyniant Bro ar wefan GOV.UK (gwefan allanol).
Yn ôl i'r brig
Gwahoddodd Llywodraeth y DU geisiadau yn seiliedig ar ardaloedd etholaeth. Cyflwynodd Cyngor Sir Ddinbych geisiadau ar gyfer pob ardal etholaeth.
Mae rhagor o wybodaeth am y ceisiadau a gyflwynwyd ar ein gwefan.
Yn ôl i'r brig
Cyflwynwyd a chymeradwywyd cais Gorllewin Clwyd o dan y thema Diwylliant.
Yn ôl i'r brig
Bydd yr arian yn helpu i ddarparu prosiectau i ddiogelu treftadaeth unigryw Rhuthun, lles a chymunedau gwledig.
Nod y cais yw darparu prosiectau dan 2 thema
Treftadaeth Unigryw Rhuthun a Lles
Nod y thema hon yw gwella cysylltedd cerdded a beicio yn Rhuthun a’r cyffiniau ac ategu buddsoddiad mewn gweithgareddau i roi hwb i’r dreftadaeth a gwerth diwylliannol. Mae’r ymyriadau arfaethedig yn canolbwyntio ar welliannau i’r parth cyhoeddus, ehangu’r cwmpas ar gyfer cynnal digwyddiadau ac adfywio adeiladau a thirnodau hanesyddol i gefnogi hunaniaeth leol, hyrwyddo balchder mewn lle a rhoi hwb i ddelwedd y dref.
Cymunedau Gwledig a Lles
Nod y thema hon yw darparu cyfleusterau yn Loggerheads a Moel Famau sydd o fewn yr Ardal o Harddwch Naturiol Eithriadol (AHNE) i ddenu mwy o ymwelwyr ac i gwrdd â’r galw sydd eisoes yn bodoli. Caiff canolbwyntiau cymunedol newydd eu creu ym mhentrefi gwledig cyfagos Bryneglwys a Gwyddelwern, a fydd yn darparu lleoedd newydd i breswylwyr nad oes ganddynt ddigon o gyfleoedd ar hyn o bryd ar gyfer ymgysylltiad cymdeithasol a mynediad at wasanaethau naill ai’n lleol neu yn Rhuthun.
Yn ôl i'r brig
Pan gyhoeddodd Llywodraeth y DU ail rownd y Gronfa Ffyniant Bro gwahoddodd Cyngor Sir Ddinbych gynigion am brosiectau gan aelodau etholedig, AS, Cynghorau Tref a Chymuned a swyddogion CSDd.
Dewiswyd y prosiectau ar gyfer y cais terfynol ar y sail eu bod yn rhai y byddai modd eu darparu, yn cael dylanwad ac yn yn cwrdd â meini prawf y Gronfa Ffyniant Bro.
Cymeradwyodd Cabinet Cyngor Sir Ddinbych y rhestr derfynol o brosiectau i’w cynnwys yn y cais ar 28 Mehefin 2022. Mae’r adroddiad a chofnodion y cyfarfod i’w gweld a wefan y Cyngor.
Yn ôl i'r brig
Mae crynodeb o bob prosiect ar gael ar ein gwefan.
Caiff y wybodaeth hon ei diweddaru wrth i ragor o fanylion am y prosiectau ddod i law.
Bydd unrhyw ddigwyddiadau’n cael eu diweddaru ar wefan a safleoedd cyfryngau cymdeithasol y Cyngor.
Newyddion: Cynnal digwyddiad gwybodaeth ar gyfer rhaglen Ffyniant Bro Gorllewin Clwyd.
Yn ôl i'r brig
Cymeradwyodd Llywodraeth y DU y cais yn dilyn proses werthuso eang a oedd yn ystyried y gallu i ddarparu'r prosiectau a'u heffaith.
Dim ond tua 20% o'r holl geisiadau ar draws y DU oedd yn llwyddiannus.
Mae rhestr lawn o'r ceisiadau llwyddiannus i'w gweld ar wefan Llywodraeth y DU.
Yn ôl i'r brig
Cymeradwywyd cyllid y Gronfa Ffyniant Bro ar gyfer Gorllewin Clwyd i ddarparu cyfres benodol o brosiectau.
Nid yw'n bosibl defnyddio'r grant i ariannu prosiectau eraill.
Mae'n bosibl bod cyllid arall ar gael a fyddai’n addas ar gyfer eich prosiect chi. Cewch fwy o wybodaeth ar ein gwefan:
Yn ôl i'r brig
Pennodd Llywodraeth y DU feini prawf penodol ar gyfer y mathau o brosiectau y byddai'n eu hariannu drwy'r Gronfa Ffyniant Bro.
Dim ond ar brosiectau a gymeradwywyd y gellir gwario’r arian.
Gellir gweld rhagor o fanylion ar wefan GOV.UK (gwefan allanol)
Yn ôl i'r brig
Cyngor Sir Ddinbych wnaeth y cais am gyllid a'r Cyngor yw'r corff atebol.
Bydd Cyngor Sir Ddinbych yn darparu 8 o'r 10 prosiect, gydag Ardal Genhadaeth Dyffryn Clwyd yn gyfrifol am welliannau i Eglwys Sant Pedr a'r Clawstr, a Chymdeithas Canolfan Iâl Bryneglwys yn gyfrifol am Ganolbwynt Cymunedol Bryneglwys.
Cewch ragor o fanylion ar ein gwefan.
Yn ôl i'r brig
Mae 1 o’r 10 prosiect yn canolbwyntio ar welliannau i Sgwâr Sant Pedr.
Cewch ragor o fanylion ar ein gwefan.
Nid oes dyluniad terfynol ar gyfer y prosiect hwn eto. Mae tîm y prosiect yn cynnal amryw o arolygon i weld beth sy'n bosibl. Rydym yn gobeithio ymgysylltu ynghylch y cynigion dylunio yn ddiweddarach eleni.
Yn ôl i'r brig
Mae'r Cyngor wedi datgan Argyfwng Hinsawdd ac wedi gosod targedau uchelgeisiol i fod yn ddi-garbon erbyn 2030.
Gellir gweld rhagor o wybodaeth ar ein gwefan. Bydd yr effeithiau carbon felly’n ystyriaeth allweddol wrth ddylunio a darparu’r prosiectau.
Yn ôl i'r brig
Mae ar y Cyngor ddyletswydd statudol i sicrhau cydymffurfiaeth â, ac i orfodi'r Rheoliadau Cynefinoedd (fel y'i diwygiwyd yn 2017). Yn ogystal, mae Deddf yr Amgylchedd (Cymru) 2016 yn gofyn bod y Cyngor yn cynnal ac yn gwella bioamrywiaeth ac yn hyrwyddo gwytnwch ecosystemau.
Bydd bioamrywiaeth ac ecoleg felly'n ystyriaethau allweddol wrth ddylunio a darparu'r prosiectau.
Mae gwbodaeth am Strategaeth yr Hinsawdd ac Ecolegol ar gael ar ein gwefan.
Yn ôl i'r brig
Mae’n gyffrous iawn gwybod bod clwyd famolaeth o bwysigrwydd rhanbarthol i ystlumod Pedol Lleiaf yn Rhuthun.
Mae'n rhaid i'n holl brosiectau ystyried goblygiadau ecolegol y gwaith sydd wedi'i gynllunio a bydd unrhyw arolygon ecolegol angenrheidiol yn cael eu cynnal. Bydd y gwaith y gellir ei wneud, a sut y caiff ei wneud, yn seiliedig ar ganlyniadau'r arolygon hyn.
Yn ôl i'r brig
Disgwylir bod cyllid o Rownd 2 Cronfa Ffyniant Bro Llywodraeth y DU wedi’i wario erbyn mis Mawrth 2025.
Ychydig iawn fydd i’w weld i ddechrau gan fod llawer o waith i’w wneud o hyd i gwblhau’r arolygon angenrheidiol, datblygu dyluniadau a chynnal ymgysylltiad cyhoeddus, cyn penderfynu’n derfynol ar unrhyw ddyluniad a chael y caniatâd angenrheidiol ar gyfer y prosiectau.
Bydd amserlenni’n amrywio’n dibynnu ar natur bob prosiect ond nid ydym yn disgwyl gweld unrhyw waith adeiladu tan yr hydref 2024.
Byddwn yn diweddaru gwefan y Cyngor ac yn defnyddio amrywiol sianelau cyfathrebu i roi gwybod i bobl beth sy’n digwydd o ran cyfleoedd ymgysylltu a chynnydd.
Yn ôl i'r brig
Oes. Mae Rhuthun yn ffodus iawn o fod â nifer uchel o adeiladau treftadaeth unigryw sydd â statws adeilad rhestredig.
Bydd yn ofynnol i dimau'r prosiectau weithio'n agos ag arbenigwyr treftadaeth a chael caniatâd arbennig cyn iddynt allu gwneud unrhyw newidiadau.
Yn ôl i'r brig
Mae llawer o brosiectau yn Rhuthun, a fydd yn digwydd ar yr un pryd. Fydd hyn tarfu ar fynd a dod arferol yng nghanol y dref?
Mae’n anorfod y bydd rhywfaint o darfu ar fynd a dod yn y dref oherwydd natur y gwaith. Bydd gwaith adeiladu’n cael ei gynllunio’n ofalus i gadw unrhyw anghyfleustra i’r isafswm a bydd hysbysiad ynghylch yr hyn sydd i ddigwydd yn cael ei ddosbarthu i breswylwyr a busnesau ymlaen llaw.
Yn ôl i'r brig
Bydd gwybodaeth am y prosiectau wrth iddynt ddatblygu ar gael ar wefan y Cyngor.
Gan fod Cyngor Sir Ddinbych yn anelu at fod yn Ddi-garbon erbyn 2030, mae'n rhaid i ni ystyried sut yr ydym yn ymgysylltu â phawb er mwyn osgoi argraffu gormod o ddogfennau.
Yn ôl i'r brig